2013年4月8日

茶座改詞 - 《又超時》

《又超時》
原曲:韓國歌曲《Gwiyomi》,Hari

(唉……又又又超時!又又又超時!)

低薪卑職落力做到足,苦戰,
其實老細佢要你哋做到瘋癲。
外判工因乜咁賤,這判頭要食言,
做到好鬼悲哀,無心戀戰,想抖抖先。

番工朝九收七未放工,超時!超時!
涼薄老細佢要扣糧,其實太可恥!可恥!
亂咁OT出晒事,請假都請幾次,
老細睇到即刻迫你照肺照幾次。

諗住放工啦……又超時!做足成日啦……又超時!
攰到想死啦……又超時!又又又超時!又又又超時!
應酬班客戶……又超時!忙到無得停……又超時!
最怕你挑剔,剔剔剔剔剔剔,又超時!開OT!

超低工資落力做到足,超時!超時!
涼薄老細佢要判人,其實太可恥!可恥!
最低工資出了事,雞碎比多幾次,
當你乞兒,加薪加尐,減薪減多次。

幾辛苦,罷工再抗議,來商議……
其實係最慘,OT幾次,根本~無錢,病到死扮無事。

諗住放工啦……又超時!做足成日啦……又超時!
攰到想死啦……又超時!又又又超時!又又又超時!
應酬班客戶……又超時!忙到無得停……又超時!
最怕你挑剔,剔剔剔剔剔剔,又超時!開OT!

番工朝九收七未放工,超時!超時!
涼薄老細佢要扣糧,其實太可恥!可恥!
亂咁OT出晒事,請假都請幾次,
老細睇到即刻迫你照肺照幾次。

老細睇到即刻迫你照肺……照幾次。
發佈留言